草島外傳

十來日假期最後僅有半天可百無了賴，早一晚撥了個電話給「塔門姜大衛」茶室，想偷橋實行 L 所說的「入塔門食個 Tea 」如此風流事。

姜大衛接電話，表示明（星期一）不開門云云。本來事件就此完結，一切歸於平凡。誰想到十來分鐘後茶室打來﹐原來是姜師奶。有塔門姜大衛之稱的塔門海景山莊老闆的老婆兼海景山莊廚師。

「你係米聽日想黎呀，你地有幾多人，我地驚無野食俾你地呀。」
「我得一個呀......頂多米兩個人。嘿嘿」明明是冇朋友學會的資深會員，點會有兩個人。
「哦，咁你係米黎呀？」
「係架，不過你係米想出黎。」
「係呀，想聽日放下假咁囉，出黎行下。」
「咁算啦，費事啦，下次先啦....呀... 其實想黎食海刺三文治＃之嘛....哈哈....我係上次黎食個 4 個人其中一個囉。」
「呀係嘛，（可能扮記得）多謝曬啦。」
「係咁啦，下次先啦。」
「好啦，下次見啦，拜拜」

1-2 分鐘的對話看似無關痛癢，有趣的事雙方語氣輕鬆非常，似朋友無聊想入去探訪打攪，當然非老友鬼鬼（老友就語氣粗聲粗氣﹗），卻實多了份微妙關係。陰謀論者可能覺得她不過想打探一下有無一大團人的生意做。不過，世事想簡單一點的好。

我決定下次真要找姜師奶，當然亦要再驗證真假姜大衛相似度。

呀，還有旺仔。有塔門漁民新村天才木匹之稱的村民愛犬暨精叻得意的醒目仔朋友旺仔。
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
＃海刺三文治　當時非記於茶室餐牌上，僅為姜師奶獨門醫肚的秘方，上回 4 人鼓勵獻技，味道果真出色。（恕上次未能提供詳情文、相，那刻想抖抖。）